Иллюстративдик сүрөт
Учурда Самар облусунда эмгек мигранттарына 117 түрдүү ишмердүүлүккө тыюу салынган. Мурдагы чектөөлөр жеңил автоунаа такси, билим берүү мекемелери, дарыканалар жана жумушка орноштуруу агенттиктеринде иштөөгө байланыштуу болгон. Азыр болсо бул тизмеге көптөгөн тармактар кошулуп, ал кеңейди:
- соода;
- транспорт;
- жарандык тамактануу;
- өндүрүш сектору;
- курьердик кызматтар;
- билим берүү;
- медициналык тармак;
- информациялык технологиялар жана илим.
Айрыкча, мигранттарга мугалим, машыктыруучу, бала карап берүүчү кызматтарда иштөөгө, ошондой эле соода түйүндөрүнүн көпчүлүгүндө, программалоо тармагында жана учкучсуз учактарды жыйноо менен алектенген ишканаларда иштөөгө тыюу салынган.
Губернатордун документинде көрсөтүлгөндөй, компанияларга белгиленген экономикалык багыттар боюнча тыюуларга ылайык "чет элдик жумушчулардын санын" тууралоо үчүн үч ай берилет.
Патент боюнча иштеген мигранттар үчүн окшош чектөөлөр Россиянын көптөгөн аймактарында киргизилген. Бош орундарды Россиянын же Евразия экономикалык биримдигине (Беларусь, Казакстан, Кыргызстан, Армения) кирген мамлекеттердин жарандары ээлейт деп күтүлүүдө.
