Кыргызстандык балбан Асан Жанышов Бишкекте өтүп жаткан грек-рим күрөшү боюнча Азия чемпионатында жеңишке жетти. Тийиштүү маалымат UWW сайтына жайгаштырылган.
87 килограммга чейинки категориядагы чечүүчү беттеште ал ирандык Голамреза Фарокхисенжани 11:4 эсебинде жеңип алды.
Мурда ушул турнире Афтандил Таалайбек уулу жана Акжол Махмудов грек-рим күрөшүндө Азия чемпиондору болушту. Бүгүн Роман Ким коло медаль үчүн күрөшөт, ал эми Улан Муратбек уулу үчүнчү орун үчүн беттеште жеңилип калды.
