6-апрелде грек-рим күрөшүнүн беш салмак категориясында жарым финалдык жана финалдык беттештер өттү.
Татамига беш кыргызстандык күрөшчү чыкты, алардын төртөө жарым финалга өтүүгө жетишти.
Кечки блокто Афтандил Таалайбек уулу, Акжол Махмудов жана Асан Жанышов өз атаандаштарын ишенимдүү жеңип, финалга жолдомо алышты.
Улан Муратбек уулу, тилекке каршы, финалга чыгуу үчүн болгон беттешинде жеңишке жете алган жок жана эми коло медаль үчүн күрөшөт.
Роман Ким жеңиш менен баштаган, бирок жарым финалда Ирандын дүйнө жана Азия чемпионуна жеңилип калды. Иранец финалга чыкты, ал эми кыргызстандык эми коло медаль үчүн күрөшөт.
Коло медаль үчүн беттештер жана финалдык жекпе-жектер ушул салмак категорияларында 7-апрелде өтөт.
7-апрелге матчтар
55 кг чейин
Коло медаль үчүн беттеш
Мохаммад Панахисани (Иран) - Улан Муратбек уулу
63 кг чейин
Финал
Афтандил Таалайбек уулу - Эрфан Жаркани (Иран)
77 кг чейин
Финал
Акжол Махмудов - Али Забихолла Оску (Иран)
87 кг чейин
Финал
Асан Жанышов - Голамреза Фарокхисенжани (Иран)
130 кг чейин
Коло медаль үчүн беттеш
Роман Ким - Ким Минсок (Корея)
