Стамбулдагы Ahmet Cömert эл аралык турниринде кыргызстандык боксчу Омар Ливаза коло медаль утту. Бул тууралуу Кыргыз Республикасынын Маданият, маалымат, спорт жана жаштар саясаты министрлиги билдирди.
Маалыматка караганда, Ливаза 65 килограммга чейинки салмак категориясында чыгышып, өзүнүн мелдешин 1/8 финалдан баштаган. Алгачкы эки беттеште Грузия жана Түркиядан келген атаандаштарын ишенимдүү жеңип, жарым финалга чыкты.
Бирок жарым финалда кыргызстандык боксчу Казакстандан келген боксчудан жеңилип, турнирдеги үчүнчү орунду камсыз кылды.
