Кыдыралиев бул кызматка 2024-жылдын декабрь айында, Париждеги Олимпиада оюндарынын соңунда Садыр Мамытовдун ордуна келген.
27-мартта НОКтун Аткаруу комитетинин жыйыны болуп өтүп, 29-апрелде НОКтун кезексиз Жалпы жыйнын өткөрүү чечими кабыл алынган.
Жаңы президенттикке талапкерлердин тизмеси 11-апрелде жарыяланат.
Умбеталы Кыдыралиев НОКтогу ишинен тышкары Жогорку Кеңештин депутаты жана Кыргызстандагы бокс федерациясынын президенти. Ал ошондой эле мурда алтынчы чакырылыштагы ЖКнын депутаты болуп, 2021-жылдагы Конституциялык жыйынга катышкан, «Кыргызалтын» ААКнын башкармалыгын жетектеп, «Кумтор Голд Компани» ЖАКнын Директорлор кеңешине кирген.
