Жаңы башкы машыктыруучу Роберт Просинечкинин жетекчилигинде команда 19-мартта Анталияда машыгууларын баштады. Алгачкы достук оюн 25-мартта өтүп, улуттук команда Экваториалдык Гвинеяга 0:1 эсебинде утулду.
Жыйынга кирбегендердин арасында Индонезиянын «Персита» командасынын коргоочусу Тамирлан Козубаев жана Вьетнамдын «Тханьхоа» командасынын жарым коргоочусу Одилжон Абдурахманов бар. КФС Sport АКИpressке билдиргендей, бул оюнчулар жыйынга чакырылган жок, анткени учуу менен байланышкан коопсуздук маселелери бар. Мындан тышкары, Ирандын «Эстегляль» командасынын чабуулчусу Жоэл Кожо жана «Алги» командасынын дарбазачысы Эржан Токатаев учурда жаракаттан кийин калыбына келүүдө.
Ошондой эле тизмеде Минскинин «Динамо» командасынын жарым коргоочусу Гулжигит Алыкулов жана «Дордойдун» чабуулчусу Эрнист Батырканов да болгон, бирок жаракаттарынан улам командага кошула алышкан жок.
