Оюн 25-мартта Түркияда өтүп, 1:0 эсебинде каршылаштын пайдасына аяктады. Биринчи таймдын 40-мүнөтүндө пенальти менен жалгыз гол киргизилди.
Бул оюн Роберт Просинечки үчүн, Хорватиядан келген Кыргызстандын улуттук командасынын жаңы башкы машыктыруучусу катары, дебюттук оюн болду.
«Каршылашта болгону бир гана мүмкүнчүлүк болду. Пенальти, менин оюмча, талаштуу эле, бирок судьянын чечимин өзгөртүү мүмкүн эмес. Бизге өз мүмкүнчүлүктөрүбүздү пайдалануу керек, бирок биз бул ишти аткара алган жокпуз, жана жыйынтык өзү үчүн сүйлөйт. Оюн жакшы өттү, болгону биринчи 10-15 мүнөттө начар ойнодук, андан кийин оюнду көзөмөлдөп, мүмкүнчүлүктөрдү жарата алдык», - деди Кичин «Кыргыз спорт ТВ» каналына берген интервьюсунда оюндан кийин.
Команданын капитаны жаңы машыктыруучу тууралуу өз ойлорун бөлүштү.
«Жаңы машыктыруучу топ менен ойногонду жактырат. Ал бизден топту көзөмөлдөп, пас менен ойногубузду каалайт. Бирок беш күндүн ичинде бир нерсени иштеп чыгуу кыйын. Мен келечекте анын ыкмасы жакшы жыйынтыктарды берет деп ишенем», - деп кошумчалады Кичин.
28-мартта Кыргызстандын улуттук командасы Мадагаскар командасына каршы ойноп калат.
