2026-жылдагы Дүйнө Кубугунун биринчи этабы World Boxing версиясы боюнча 20-апрелден 26-апрелге чейин Фош-ду-Игуасу шаарында өтөт.
Спортчулар эркектер жана аялдар арасында 20 комплект медаль үчүн күрөшөт.
Кыргызстан командасында башкы машыктыруучу Данияр Төлөгөн уулунун жетекчилиги астында беш боксчу чыгат.
Бул турнирдеги жеңүүчүлөр жана сыйлык ээлери дүйнөлүк рейтингде 150, 100 жана 75 упай алышат.
Дүйнө Кубугунун экинчи этабы июнь айында Кытайда пландалган, ал эми финал жылдын аягында Өзбекстанда өтөт.
Өткөн жылы Муранбек Сейитбек уулу Индиядагы Дүйнө Кубугунун финалына чыгып, күмүш медаль утканын эске салабыз.
