Мамлекеттик адистердин маалыматына ылайык, кирүү чектөөлөрү жүгүрүү жолдорун төшөөдө технологиялык нормаларды сактоо зарылдыгы менен байланыштуу.
«Учурда тогуз жолдо адистештирилген жабуунун биринчи этабы аяктады. Курулуш жана эл аралык стандарттарга ылайык, бул катмар кеминде бир жыл сакталууга тийиш. Бул негиздин бекемдигин жана узак мөөнөттүүлүгүн камсыз кылуу үчүн маанилүү шарт», - деп билдиришти алар.
Экинчи катмар, фиништик жабуу, тек гана жагымдуу аба ырайында, температура туруктуу жана жылуу болгондо төшөлүшү мүмкүн.
«Технологияны сактабаган же жабууну эрте пайдалануу анын деформациясына алып келиши мүмкүн, бул акчанын натыйжасыз сарпталышына себеп болот», - деп тактады агенттиктен.
Стадиондун оңдоп-түзөө жана реконструкциялоо боюнча негизги иштер 2024-жылы аяктады, андан кийин объект расмий түрдө пайдаланууга берилди. Бардык талаптарды сактоо менен жүгүрүү жолдорун төшөөнү аяктоо керек.
Бардык технологиялык процесс жана экинчи катмарды төшөө аяктагандан кийин, стадион спорттук объекттин иштөө нормаларына ылайык, кадимки режимде иштүүгө даяр болот.
