Кытай Эл Республикасына болгон жумушчу сапарынын алкагында, Кыргызстандын Физикалык маданият жана спорт мамлекеттик агенттигинин жетекчиси Казыбек Молдажиев, Шанхай кызматташтык уюмунун (ШКУ) башкы катчысы Нурлан Ермекбаев менен жолугушуу өткөрдү.
Пекин шаарындагы жолугушууда тараптар ШКУга мүчө мамлекеттер арасында спорт жана физикалык маданият боюнча кызматташтыкты тереңдетүү, биргелешкен иш-чараларды уюштуруу жана дене тарбияны жайылтуу мүмкүнчүлүктөрүн талкуулашты. Молдажиев Ермекбаевге Кыргызстандын спорттук инфраструктурасын өнүктүрүү пландары менен бөлүшүп, өз ара байланыштарды бекемдөөгө даяр экенин билдирди.
Нурлан Ермекбаев, өз кезегинде, ШКУнун учурдагы ишмердүүлүгү тууралуу маалымат берип, спорттун эң активдүү өнүгүп жаткан багыттардын бири экенине көңүл бурду. Ал ошондой эле, катышуучу мамлекеттердин ортосунда достукту бекемдөө жана дене тарбияны өнүктүрүү үчүн маанилүү долбоор катары таанылган эл аралык Ысык-Көл марафонуна даярдыктын маанилүүлүгүн белгиледи.
