1/8 финалда Айпери Гулмарал Еркебаевага каршы 12:2 эсебинде ишенимдүү жеңишке жетти. Андан кийин ¼ финалда ал Болгариядан келген Ванеса Георгиеваны 10:0 эсебинде жеңип, эч кандай мүмкүнчүлүк калтырбады. Жарым финалда кыргызстандык спортчу дагы күчүн көрсөтүп, Түркиядан келген Элмира Ясинди 14:0 эсебинде жеңди.
Финалдык беттеш Айпери үчүн өзгөчө маанилүү болду, анткени анын атаандашы дүйнө чемпиону Генесис Реаско Валдез болгон. Кыйын күрөштө ал 5:4 эсебинде жеңишке жетти.
Эскерте кетсек, бул спортчулар 2025-жылы дүйнө чемпионатынын финалында жолуккан, анда Валдез жеңишке жеткен. Бул жолу Айпери реванш алып, рейтингдик турнирдеги алтын медалды жеңип алды.
