Соревновоолор 28-февралда өтүп, 72 кг салмак категориясында 7 спортчу катышты, алар эки топко бөлүнгөн.
Топтук беттештерде Нуртаева болгардын жана Индиянын спортчуларына каршы үч жеңишке жетишип, биринчи орун менен жарым финалга чыкты.
Жарым финалда кыргызстандык спортчу поляк спортчусу Виктория Чолужду жеңди, бирок финалдык беттеште казакстандык Жамиля Бакбергеновага жеңилип калды.
Ошентип, Нуртаева турнирди экинчи орунда жыйынтыктап, күмүш медаль менен сыйланды.
Эскерте кетсек, 27-февралда Мээрим Жуманазарова дагы күмүш медаль утту, ал эми Гулнура Таштанбекова команда үчүн коло медаль алып келди.
