Бул указдын алкагында иш-чаралар планы, программаны ишке ашырууну мониторингдөө жана баалоо үчүн индикаторлор матрицасы бекитилди.
Бул чечим жарандардын футбол менен машыгууга массалык катышуусун камсыздоо, спортчулардын чеберчилигин жакшыртуу жана жаштарда дене тарбияны өнүктүрүү үчүн жагымдуу шарттарды түзүүгө багытталган.
Иш-чаралар планын ишке ашырууга катышкан мамлекеттик органдар жана жергиликтүү өз алдынча башкаруу органдары, ошондой эле юридикалык жактардын бирикмеси "Кыргыз футбол союзу" (макулдашуу боюнча) милдеттүү:
1) иш-чаралар планынын аткарылышы үчүн белгиленген мөөнөттөргө так ылайык келүүгө;
2) жыл сайын жалпы планга негизделген өз иш планын иштеп чыгууга жана ишке ашырууга;
3) иш-чаралар планынын аткарылышы боюнча отчетту Кыргыз Республикасынын Министрлер Кабинетинин алдындагы Физикалык маданият жана спорт мамлекеттик агенттигине отчеттук жарым жылдыктан кийинки айдын 5-чисына чейин берүүгө.
Указ расмий жарыяланган күндөн баштап он күндөн кийин күчүнө кирет.
