Бишкекте II эл аралык армиялык кол күрөш боюнча турнири аяктады, бул тууралуу Мамлекеттик физикалык тарбия жана спорт агенттиги билдирет. Окуя 19-20-февралда Каба уулу Кожомкул атындагы спорт сарайында өтүп, Советтер Союзунун Баатыры, генерал-лейтенант Калыйнур Усенбековдун элесине арналды.
Турнирге Кыргызстан, Казакстан жана Россиядан 300дөн ашык спортчу катышты.
Турнирдин командалык эсептөө боюнча жыйынтыктары төмөндөгүдөй:
1-орунду Кыргыз Республикасынын Коргоо министрлигинин «Скорпион» атайын бөлүмү алды;
2-орун Кыргыз Республикасынын Ички иштер министрлигинин Академиясына тийди;
3-орунду Кыргыз Республикасынын Коргоо министрлигинин Куралдуу Күчтөрүнүн Аскер институту ээледи.
