Кышкы Олимпиада 6-февралдан 22-февралга чейин Милан жана Кортина-д’Ампеццо шаарларында (Италия) өтөт. Кыргыз командасынын курамына эки спортчу кирди.
Мамлекеттик спорт агенттигинин маалыматы боюнча, «киимдер эл аралык стандарттарга жана кышкы Олимпия оюндарынын талаптарына ылайык иштелип чыккан, комфорт, коопсуздук жана мелдеш учурунда жогорку натыйжаларга жетүү мүмкүнчүлүгүн камсыз кылат».
Параддык форма ак түстө жасалган жана тантаналык иш-чаралар үчүн арналган, ал эми машыгуу формасы кара көк түстө. Параддык комплект традициялык улуттук баш кийим — ак калпак менен толукталган.
«Спорттук жана параддык экипировканы түзүү демөөрчүлөрдүн колдоосу жана Мамлекеттик физкультура жана спорт агенттиги менен Кыргыз Республикасынын Улуттук Олимпия комитетинин ортосундагы кызматташтык аркылуу мүмкүн болду», - деп кошумчалашты ведомстводо.
Кыргызстандык спортчулар тоо лыжасы жана лыжа жарыштары боюнча дисциплиналарда катышат.
