Кыргызстандын дзюдодон чемпионатынын ачылышы 24-январда Ош шаарында өттү. КРдин Физикалык маданият жана спорт мамлекеттик агенттигинен билдиришкендей, иш-чара расмий бөлүктөн башталды, аны агенттиктин директору Казыбек Молдажиев жетектеди. Ал мындай турнирдын улуттук курама команданы түзүүдө жана өлкөдө дзюдону популяризациялоодо маанилүү экенин белгиледи.
Иш-чарада КР президентинин Ош облусундагы ыйгарым укуктуу өкүлү Аманкан Кенжебаев, вице-мэр Нурлан Закиров, Улуттук дзюдо федерациясынын президенти Куванычбек Конгантиев жана көптөгөн спортчулар, машыктыруучулар жана күйөрмандар катышты.
Сорундардын маалыматына ылайык, аялдар арасында 48, 52, 57, 63, 70, 78 жана 78 кг жогору салмак категорияларында мелдештер өтөт. Эркектер болсо 60, 66, 73, 81, 90, 100 кг жана 100 кг жогору категорияларда атаандашып жатышат.
«Турнирдин максаты дзюдо боюнча курама командага талапкерлерди тандоо, жаштар арасында достукту бекемдөө, жаш муунду физикалык маданиятка жана спортко тартуу, ошондой эле күрөшчүлөрдүн чеберчилигин жогорулатуу», - деп белгиленет расмий билдирүүдө.
