Pro Swim Series мелдештери 14-январдан 18-январга чейин Техас штатындагы Остин шаарында өттү. Петрашов үч аралыкта сүзүү мелдештерине катышты.
100 метр брасс боюнча биринчи финалдык заплыв 15-январь эртең менен эрте өттү. Бул заплывда кыргызстандык спортчу экинчи орунду алып, америкалык Матиас Ванга 0,1 секунд гана артта калып, күмүш медаль утту.
17-январда өткөн мелдештин кийинки этабына 50 метр брасс боюнча финал пландалган болчу. Бул жерде Петрашов дагы бир жолу мыкты жыйынтык көрсөтүп, аралыкты 27,12 секундда аяктап, Ванга жеңилип, күмүш медаль утту.
Ошол эле күнү 200 метр брасс боюнча мелдештер башталды. Петрашов алдын ала заплывдарды ийгиликтүү өтүп, финалга чыкты.
18-январда 200 метр аралыктагы чечүүчү заплывда ал дагы экинчи орунду алып, үчүнчү күмүш медалын утту. Бул жолу аны төрт жолку Олимпиада чемпиону жана жети жолку дүйнө чемпиону Леон Маршан Франциядан оозуп кетти.
