Денис Петрашов АКШдагы турнирдеги дагы бир медальды жеңип алды

Кыргызстандык спортчу Денис Петрашов Америка Кошмо Штаттарында өтүп жаткан эл аралык сүзүү турниринде дагы бир медаль кошту.

Pro Swim Series мелдештери ушул күндөрү Техас штатындагы Остин шаарында өтүп жатат. 16-январдан баштап катышуучулар 50 метр брасс боюнча мелдешип жатышат.

Денис алдынкы заплывдарды ийгиликтүү өтүп, финалга чыкты.

Негизги заплывда ал мыкты жыйынтык көрсөтүп, 27,12 секундда финишке чыгып, 2-орунду ээлеп, күмүш медальды жеңип алды.

Мындан мурда ушул турнире ал 100 метр брасс боюнча дагы күмүш медальды утуп алган.