Бул 37-рет өтүп жаткан мелдеш 29-январдан 1-февралга чейин Красноярск шаарында өтөт. Турнирде эркектер жана аялдар үчүн 20 комплект медалдар ойнотулат.
Турнирдин уюштуруучулары учурда 16 өлкөдөн күрөштөр катышаарын тастыктаганын маалымдашты.
Кыргызстандын аялдар курамасынын курамы кийинчерээк белгилүү болот.
Эскерте кетсек, 2024-жылы Калмира Билимбек кызы, Жаркынай Нурлан кызы жана Нурзат Нуртаева Иван Ярыгин Кубогунда коло медалдарды жеңип алышкан, ал эми 2017-жылы Айсулуу Тыныбекова турнирдеги алтын медалды жеңип алган.
Иван Ярыгин Кубогу — эркектер жана аялдар катышкан эл аралык күрөш мелдеши. Турнир советтик күрөштүн устаты, эки жолку олимпиада чемпиону, ошондой эле дүйнө жана Европа чемпионаттарында ийгиликке жеткен адамдын ысымы менен аталган.
