Азия Кубогу (U-23): Иордания Кыргызстанга плей-оффко чыгуу мүмкүнчүлүгүн сактап калды

Кыргызстандын футбол боюнча (U-23) курамасы Азиянын жаштар Кубогунун плей-оффуна чыгуу мүмкүнчүлүгүн жоготкон жок.

Эдмар Ласерданын жетекчилигинде топтун биринчи эки оюнуна катышкан команда 0 упай топтоду, Саудия Аравиясынан (0:1) жана Вьетнамдан (1:2) жеңилди.

Экинчи турдун башка беттешинде Иордания Саудия Аравиясын 3:2 эсебинде жеңип, кыргызстандыктарга топтон чыгуу үчүн күрөштү улантууга мүмкүнчүлүк берди.

Турнирди ийгиликтүү аяктоо үчүн Кыргызстандын курамасы Иорданияга каршы акыркы оюнда чоң жеңишке жетиши керек, ошондой эле Саудия Аравиясынын Вьетнамга каршы жеңилишин күтүшү зарыл.

Топтук этаптын акыркы оюндары 12-январда өтөт.

Эки турдан кийинки учурдагы таблица

1. Вьетнам — 6 упай (+3)

2. Иордания — 3 упай (-1)

3. Саудия Аравиясы — 3 упай (0)

4. Кыргызстан — 0 упай (-2)