Азия кубогу (U-23). Кыргызстан футбол боюнча курама командасы Вьетнам менен ойнойт

9-январда Кыргызстандын жаштар курамы вьетнамдык команда менен беттешет. Бул тууралуу Кыргыз футбол союзу билдирген.

Оюн Бишкектин убактысы боюнча 20:00дө пландалган. Оюнду «Спорт» НТРК телеканалы аркылуу түз эфирде көрүүгө болот.
Сүрөт КФС
Вьетнам курамы 2018-жылдагы Азия Кубогунун финалисти болуп, эл аралык аренада өз күчүн дайыма көрсөтүп келет.

«Күчтүү жана маанилүү оюн күтүлүүдө, анда негизги орунду концентрация жана ар бир топ үчүн күрөш ээлейт», — деп белгиленет КФСтин билдирүүсүндө.