Азия Кубогу U-23. Кыргызстандын оюнуна судьялар курамы жарыяланды

6-январда Жиддада, Саудия Аравиясында, U-23 Азия Кубогунун финалдык бөлүгү башталат. Бул оюнда Кыргызстан курамасы хозяин командасы — Саудия Аравиясынын курамасы менен беттешет.
Кыргыз футбол федерациясынын маалыматына ылайык, беттеш Абдулла Аль-Файсал атындагы стадиондо өтөт.

Судьялар тобун кытайлык арбитр Фу Мин жетектейт, ага өз өлкөсүнүн өкүлү Сяо И жана япон судьясы Такэси Асада жардам берет. Резервдик арбитр катары Япониядан Рио Танимото дайындалды.

VAR системасында Иида Дзюмпэй (Япония), Цзин Чжуан (Кытай) жана Мухаммед Абдулла (БАЭ) иштейт.

Оюн Бишкектин убактысы боюнча 22:00дө башталат. Түз трансляцияны УТРК Спорт жана Кыргыз Спорт ТВ телеканалдарынан көрүүгө болот.