Документти КФСтин президенти Камчыбек Ташиев жана анын саудиялык кесиптеши Ясер Аль-Мисехал кол коюшту.
Бул келишимдин максаты Кыргызстанда футболду өнүктүрүү, эл аралык стандарттарды киргизүү жана өлкөнүн курама командаларынын атаандаштыкка жөндөмдүүлүгүн жогорулатуу болуп саналат. 2026–2027-жылдарга планда эки мамлекеттин аялдар жана жаштар командалары арасында достук матчтарды уюштуруу каралган.
Ошондой эле тараптар спорттук маалымат алмашуу, футболду башкарууну жакшыртуу, судьялыкты өнүктүрүү, машыктыруучуларды даярдоо жана техникалык прогрессти камсыздоо, ошондой эле ар кандай спорттук иш-чараларды уюштуруу боюнча кызматташууга макулдашышты.
Камчыбек Ташиев учурда Сауд Аравиясында расмий сапарда болуп, Джиддада өтүп жаткан U-23 Азия Кубогу матчтарын байкап жатат.
