Азия Кубогу (U-23): Кыргызстан улуттук командасынын машыктыруучусу Сауд Аравиясына каршы оюндун алдында эмне айтты?

Бүгүн, 5-январда, Джиддада (Саудия Аравия) Азиянын жаштар кубогунун (U-23) А тобундагы командалардын машыктыруучулары жана капитандары катышкан пресс-конференция өттү.

Кыргызстан командасынан негизги машыктыруучу Эдмар Ласерда жана команда капитаны Саид Дациев сөз сүйлөштү.

«Биздин бул турнире келишибиз сапаттуу жана көркөм футбол көрсөтүү каалоосунан улам болду. Биз күчтүү атаандаштар менен кыйын группага туш болгонубузду түшүнүп турабыз, бирок биз бул чакырыкка даярбыз. Биздин команда жакшы даярдалган жана талаада өзүнүн мыкты жөндөмдөрүн көрсөтүүгө даяр», - деди Ласерда.

«Биз атаандаш командаларды талдап чыктык жана Вьетнам күчтүү команда экенин, жакшы техникага ээ экенин түшүнүп турабыз. Алар жогорку деңгээлде оюн көрсөтүп, компетенттүү машыктыруучуга ээ. Группа чындап эле күчтүү, жана бизге оңой эмес күрөш күтүп турат», - деп кошумчалады ал.
«Биз үчүн эң маанилүүсү – биринчи оюнда ийгиликтүү баштоо», - деп жыйынтыктады Кыргызстан командасынын машыктыруучусу.

Биринчи оюн кыргызстандыктар Саудия Аравиясынын командасына каршы өткөрөт, ал 6-январда Бишкек убактысы боюнча 22:00гө пландалган.

А тобунда Вьетнам жана Иордания командалары да ойноп чыгат.