Имангазиев 2025-жылдын 30-декабрында ТИМ бардык дипломатиялык жана консулдук мекемелерге айдоочулук күбөлүктөрдү жайгашкан өлкөлөрдө легалдаштырууну тапшырганын белгиледи.
"Биз үлгүлөрдү жана практикалык колдонуу үчүн көрсөтмөлөрдү жибердик. Европа өлкөлөрүнө тиешелүү маселелер болгондуктан, биздин элчиликтер профилдик ведомстволор менен максаттуу иш жүргүзүштү: тиешелүү дипломатиялык ноталар Германия, Дания, Норвегия, Польша, Швеция, Финляндия жана Балтика өлкөлөрүнүн ТИМдерине жөнөтүлдү," - деп кошумчалады ал.
Вице-министр иштин эки этапта жүргүзүлгөнүн белгиледи: биринчи этапта электрондук форматта документтер бардык европа өлкөлөрүнө жөнөтүлдү, андан кийин оригиналдары жиберилди."Легалдаштырууну 32 дипломатиялык мекеме жана 10 генералдык консулдук жүргүздү. Легалдаштыруудан бери үч ай өттү, расмий органдар эч кандай сын же арыз билдиришкен жок. Кээ бир өлкөлөрдө күбөлүктөрдүн жасалма болушу боюнча бир нече учурлар аныкталды, бул репутацияга терс таасирин тийгизди жана социалдык тармактарда терс материалдар пайда болду. Ошентсе да, жаңы айдоочулук күбөлүктөр бардык эл аралык стандарттарга жооп берет," - деп жыйынтыктады ТИМдин вице-министри.
