Ведомствонун маалыматына ылайык, жаңы чаралар экспертизалардын сапатын жакшыртууга, алардын жүргүзүлүшүн тездетүүгө жана эксперттик кызматтардын калк үчүн жеткиликтүүлүгүн арттырууга багытталган.
Бул өзгөрүүлөрдүн зарылдыгы учурдагы системадагы чектөөлөр менен байланыштуу. Мамлекетте учурда 60тан ашык ар кандай экспертизалар талап кылынат, бирок алардын көпчүлүгү квалификациялуу адистердин жетишсиздигинен улам жеткиликтүү эмес.
«Жарандар, юридикалык жактар жана тергөө органдары экспертизаларды жүргүзүүдө кечигүүлөргө туш болушууда. Айрыкча, ДНК-изилдөөлөр сыяктуу багыттар боюнча алар өлкөдөн тышкары кайрылууга же экспертизанын аякташын айлар бою күтүүгө мажбур болушат», — деп белгиленет билдирүүдө.
Жаңы модель жеке сектордун активдүү катышуусун көздөйт. Жеке эксперттер жана лабораториялар, анын ичинде чет өлкөлүк, Кыргызстанда соттук эксперттер палатасына мүчө болуу шарты менен өз ишин жүргүзө алышат.
Бул орган өз алдынча жөнгө салынган структура катары иштейт, соттук эксперттерди сертификаттоого даярдоо, методикаларды бекитүү, реестрди жүргүзүү жана тарифтерди жөнгө салуу укуктарына ээ», — деп такталат басылмада.
Реформа авторлору сунушталган ыкма төмөнкүлөргө мүмкүндүк берет деп эсептешет:
• мамлекеттик эксперттик мекемелердин жүгүн азайтуу;
• жабдууларды жаңыртуу үчүн инвестицияларды тартуу;
• эл аралык стандарттарды киргизүү;
• экспертизалардын жеткиликтүүлүгүн жана жүргүзүү мөөнөттөрүн жакшыртуу.
Учурда мамлекеттик система чоң басымга дуушар болууда. Ар жылы СЭС 10 миңден ашык экспертиза жүргүзөт, анын 80% жакыны баштапкы изилдөөлөрдү түзөт.
«Жеке эксперттер институтун киргизүү жарандарга көбүрөөк мүмкүнчүлүктөрдү берет. Экспертиза кылмыш иштеринде гана эмес, ошондой эле алдын ала териштирүү процессинде, мисалы, керектөөчүлөрдүн талаштарында да жеткиликтүү болот, бул далилдерди көрсөтүү үчүн маанилүү инструмент болот.
Ошол эле учурда жаңы система потенциалдуу тобокелдиктерден коргоо механизмдерин киргизет. Эксперттерди дайындоо Палата аркылуу жүргүзүлөт, кардардын суроосу боюнча түздөн-түз эмес. Тарифтер ачык болот, соттук эксперттердин иши стандартташтырылат жана көзөмөлдө болот», — деп кошумчалашат Минюстте.
Реформанын киргизилиши сот системасынын натыйжалуулугун жогорулатуу менен бирге жарандардын укуктарын бекемдөөгө чоң кадам болоору күтүлүүдө, адилеттүү, тез жана заманбап укук коргоо системасына жетүүнү камсыз кылат», — деп жыйынтыкташат ведомстводо.
