Ал мэрия тарабынан берилген маалымкаттарды берүү боюнча киргизилген тыюу жарандардын батирлерге ээ болуу укуктарын чектеп, нааразычылыктарга себеп болуп жатканын белгиледи.
Сатыбалдиева мындай чаралар тургундардын техникалык паспортторду алууга жана каттоого турууга, ошондой эле алардын турак жайларын үчүнчү жактарга өткөрүүгө тоскоолдук кылып жатканын айтты.
Бирок вице-мэр Азамат Кадыров бул айыптоолорду четке какты, муниципалдык бийлик жарандар үчүн эч кандай чектөөлөрдү киргизбегенин билдирди.
«Биз адамдарды туткунга албайбыз. Туура сүйлөөнү суранам», — деди ал.
Куруучулар союзунун өкүлү Салават Шаяхметов маалымкаттарды алуудагы кыйынчылыктар кошумча көйгөйлөрдү жаратып жатканын кошумчалады. Батирлерди кайра каттоо мүмкүн эместигинен улам, салык милдеттенмелери куруучунун мойнуна жүктөлүп жатат.
«Адамдар мурас алууга, мүлкүн залогко коюуга же күнүмдүк маселелерин чечүүгө мүмкүнчүлүктөн ажырап калды. Мамлекеттик салык кызматынын маалымкатысыз мэриядан документ алуу мүмкүн эмес, ал эми муниципалитеттин документисиз батирлерди жаңы ээлерине өткөрүү мүмкүн эмес. Биз замкнутый кругка кирип калдык», — деди ал.
