Көргөзмө 10-апрелде Гапар Айтиев атындагы Кыргыз улуттук көркөм өнөр музейинде ачылат.
«Сабиджан Бабаджановдун 85 жылдыгына карата, өлкөдө жана анын чегинен тышкары белгилүү график-сүрөтчү катары, анын көп тараптуу чыгармачылыгын чагылдырган масштабдуу көргөзмөнү сунуштоого кубанычтабыз. Устаттын аты терең философиялык ой жүгүртүүлөрдүн, көркөм эркиндиктин жана руханий изденүүнүн символуна айланган. Бул көргөзмө — жөн гана ретроспектива эмес, көрүүчүгө образдар, түстөр жана ички ой жүгүртүү дүйнөсүнө чөмүлүүгө мүмкүнчүлүк берген тынчтык жана байкоо үчүн мейкиндик», — деп белгилешти уюштуручулар.
Бабаджановдун көркөм мурасы ар түрдүү жанрларды жана техникаларды камтыйт. Анын үчүн графика, акварель, май жана гуашь жөн гана техникалар эмес, чыгармачылыгын билдирүүнүн ар түрдүү жолдору болуп саналат.
Көргөзмөнүн уюштуручуларынын сүрөтү
Юбилейлик көргөзмөдө ар түрдүү мезгилдердеги көптөгөн эмгектер көрсөтүлүп, көрүүчүлөргө Бабаджановдун көркөм ой жүгүртүүсүнүн өнүгүшүн, чыгармачылык изденүүлөрүн жана ачылыштарын байкоого мүмкүнчүлүк берет. Бул сүрөтчүнүн инсандыгынын масштабын жана анын чыгармачылык дүйнөсүн толук кандуу көрүүгө уникалдуу мүмкүнчүлүк. Көргөзмөдө ошондой эле «Музыка жана жарык» циклинен жаңы эмгектер, анын ичинде сүрөттөр жана инсталляциялар көрсөтүлгөн.
