Ведомствонун маалыматына ылайык, долбоор төрт тилкелүү жолду түзүүнү камтыйт. Курулуш иштеринин жүргүзүлүшү долбоорлоону менен бирге жүрүп, каржылоо мамлекеттик капиталдык салымдардан келип жатат.
Учурда объектте жер казуу иштеринин жүргүзүлүшү, ашыкча топурактын чыгарылышы, темир-бетон конструкцияларын демонтаждоо жана даярдоо иштери жүргүзүлүүдө. Ошондой эле жолдун жанына асфальт-бетон заводун орнотуу пландалууда.
Курулушту убагында аяктоо үчүн China Road and Bridge Corporation подряддык уюму менен келишим түзүлгөн.
Министрликтен билдиришкендей, аталган долбоордун ишке ашырылышы Чолпон-Атадагы транспорттук жүктөмдү кыйла төмөндөтүүгө, эл аралык иш-чараларды өткөрүүнүн жогорку стандарттарын камсыздоого жана региондун жол инфраструктурасын жакшыртууга мүмкүндүк берет.
