Жайыл районунда балдар-сираттар үчүн жер тилкелери бөлүнгөн, бул тууралуу Башкы прокуратуранын маалымат кызматынан билдиришти. Жайыл районунун прокуратурасы жүргүзгөн текшерүү учурунда, ата-энесиз калган балдардын укуктары, аларга жер тилкелерин убагында берүү чараларынын жоктугунан бузулгандыгы аныкталган. Натыйжада прокуратура Ак-Башат айыл өкмөтүнө прокурордук реакция актын жөнөттү.
Бул актын каралышынын жыйынтыгы менен тогуз балдар-сираттын укуктары калыбына келтирилип, аларга жер тилкелери берилди. Алар ошондой эле өз менчигин тастыктаган мамлекеттик актыларды алышты, бул аларга турак үйлөрдү курууга мүмкүнчүлүк берет.
Кыргыз Республикасынын балдар боюнча Кодексинин 13-беренеси жана Турак жай кодексинин 43-беренесине ылайык, мамлекет бул категориядагы жарандарды турак жай менен камсыз кылууга милдеттенет. Өзүнүн турак жайы жок балдар-сираттар 16 жашка толгондо мыйзам тарабынан белгиленген нормаларга ылайык, кезексиз турак жай алууга укуктуу.
