Ачылыш аземи Бишкектеги Чингиз Айтматов атындагы лицейде өттү, бул тууралуу Билим берүү министрлиги маалымдады.
Министрдин орун басары Надира Жусупбекова бул иш-чаранын негизги принципи эң татыктуу катышуучуларды сыйлоо экенин белгиледи.
«Силер узун жолду басып өттүңөр жана бул жерде болуу үчүн тырыштык көрсөттүңөр. Ар бириңер жеңүүчү болуп саналасыңар. Мен силердин таасирдүү натыйжаларды көрсөтө турганыңыздарга ишенем. Силер биздин өлкөбүздүн келечеги, илим жана билим берүүгө маанилүү салым кошо ала турган жаш муунсуздар. Бардыгыңыздарга ийгилик каалайм, эң татыктуулар жеңсин!» — деп кошумчалады ал.
Республикалык олимпиадага облустар жана шаарлардын этаптарында сыйлык алган 330 окуучу катышууда.
Олимпиада төмөнкү билим берүү мекемелеринин базасында өткөрүлөт:
- Чингиз Айтматов атындагы лицей — математика, физика, тарых, информатика, география;
- «Айчүрөк» лицейи — кыргыз, орус жана англис тилдери;
- Ишеналы Арабаев атындагы Кыргыз мамлекеттик университети — химия жана биология.
Иш-чара эки күнгө созулат, ал эми жеңүүчүлөрдү сыйлоо аземи 30-мартка пландалган.
