Мэрдин маалыматы боюнча, төрт мектеп — М. Адышева, Т. Отунчиева, Парманас жана А. Мадалиев — ачылган күндөн бери капиталдык ремонттон өтпөгөн.
«Учурда М. Адышева атындагы мектеп капиталдык ремонтко даярдалып жатат, ага 115 млн сом бөлүнгөн. Имараттын чатыры алынып, ички жылытуу системалары дээрлик бүттү. Кийинки кадам — мектептин ички жайларын капиталдык ремонттоо
Отунчиева атындагы мектеп 275 окуучуга ылайыкташкан жаңы корпус куруу үчүн республикалык бюджеттен 217 млн сом алууда, ал актовый жана спорт залдарын камтыйт.
Капиталдык ремонт программасына Парманас атындагы мектеп дагы кирет, жалпы чыгымдар 86 млн сом; иштер жакынкы күндөрдө башталат.
Мадалиев атындагы мектеп мурда 9-класска чейин окуучуларды тейлеп келген, эми спорт залы бар жаңы имарат менен кеңейтилип, иштер жакын арада башталат.
Мындан тышкары, административдик-территориялык реформа алкагында, Будалык айылындагы Ж. Бубаев атындагы мектеп, шаарга кошулган, капиталдык ремонттун тизмесине кирди, жана жаны спорт залы курулат», — деп кошумчалады мэр.
Нурсултан Тажибаев Гүлчө шаарында кийинки эки жыл ичинде курулуш иштеринин активдүү жүргүзүлөрүн, бул жарандар үчүн убактылуу ыңгайсыздыктарды жаратышы мүмкүн экенин билдирди.
«Курулуштан улам болушу мүмкүн болгон ыңгайсыздыктар үчүн алдын ала кечирим сурайбыз. Шаарды өнүктүрүү максатында кээде тосмолорду жана имараттарды бузуу зарыл. Өз объектилерин өз ыктыяры менен демонтаждоого макул болгон жарандарга ыраазычылык билдиребиз, бул белгилениши керек», — деди ал.
Объектилер
Спутник
⛶
