Сокулукте 5,8 миллион сомго мамлекеттик оорукананын имараты мамлекетке кайтарылды » Gazeta.kg

Башкы прокуратура Сокулук районундагы оорукананын имаратын мыйзамсыз приватизациялоо фактын аныктаганын билдирди. Текшерүү учурунда 2007-жылдан 2008-жылга чейин бул имарат жеке менчикке өткөрүлгөнү, бул учурдагы мыйзамдарды бузуу менен болгондугу белгилүү болду.
Башкы прокуратуранын сүрөтү
Имарат 226 чарчы метр жер тилкесин ээлейт. Мыйзам бузууларды жоюу үчүн прокуратура жооп берүү актын түздү.

Бул актты карап чыгуу натыйжасында имарат жана 5 миллион 802 миң 307 сомдук баага ээ болгон жер тилкеси мамлекеттик менчикке кайтарылып, Сокулук райондук ооруканасына өткөрүлдү.