Бул отчеттун маалыматына ылайык, өлүм деңгээли 1 миң адамга 4,3 түздү, бул 2025-жылдын январь айындагы 1 миң адамга 5 көрсөткүчүнө салыштырганда төмөн.
Бардык катталган өлүм учурларынын жарымынан көбү (55 пайыз) кан айлануу системасынын ооруларына туура келет, ал эми жаңы түзүлүштөр 12 пайызды, тышкы себептер 7 пайызды, дем алуу органдарынын оорулары 6 пайызды түзөт.
Жүрөк-кан тамыр оорулары (ЖКТО) Кыргызстанда бир нече жылдан бери өлүмдүн негизги себеби болуп калууда.
Темага байланыштуу Жүрөк оорулары. Жогорку технологиялык кардиохирургия Кыргызстанда жеткиликтүү болобу
Адистердин айтымында, жүрөк жана тамыр оорулары жашарып жатат, бул иштеген калк арасында эрте өлүмдүн жогорку деңгээлине байланыштуу өзгөчө тынчсызданууну жаратат. Ар жылы 30дан 60 жашка чейинки 20 миңден ашык жаран ЖКТОдан өлөт.
Бул проблема менен күрөшүү үчүн өлкөдө «Саламат жүрөк» улуттук программасы ишке ашырылууда, ал Улуттук кардиология жана терапия борборунун базасында жогорку технологиялык жүрөк-кан тамыр кластерин түзүүгө багытталган. Ошондой эле Балыкчы, Талас жана Нарын шаарларындагы регионалдык кардиология борборлору үчүн жаңы жабдуулар сатып алынды.
Оорулардын алдын алуу үчүн биринчи деңгээлде ар бир үй-бүлө үчүн сегиз негизги параметрди камтыган атайын чекап-модул киргизилген: тамеки тартуудан баш тартуу, туура тамактануу, физикалык активдүүлүк, дене массасынын индексин өлчөө, кан басымын, кант жана холестерин деңгээлин контролдоо, ошондой эле ден соолукка пайдалуу уктоо.
