Жер жана суу көзөмөлдөө кызматы тарабынан жүргүзүлгөн текшерүү Чуй облусунда жер участогун максатсыз пайдалануу фактыларын аныктоого мүмкүндүк берди.
Айыл чарба министрлигинин маалымат кызматынын маалыматы боюнча, Аламудун районунун Байтик айылдык аймагында жайгашкан Кашка-Суу айылында, 0,72 гектар аянты бар, жамгыр суусунан пайдаланылган жер участогунда, жер максатсыз колдонулуп жаткандыгы белгилүү болду.
Атап айтканда, жер участогунун ээси, жаран Б.Т.Ж., айыл чарба менен алектенүүнүн ордуна, аталган аймакта «Картинг-Багги» аттуу эс алуу зонасын уюштурган.
Жүргүзүлгөн текшерүүнүн натыйжасында Кыргыз Республикасынын укук бузуулар кодексинин 239-беренесине ылайык чаралар колдонулуп, жаранга айып пул салынган.
«Ошондой эле, ага жер участогун максаттуу пайдалануу боюнча милдеттүү буйрук берилди. Эгерде кайрадан максатсыз пайдалануу болсо, Кыргыз Республикасынын Жер кодексинин 65, 66 жана 67-беренелерине ылайык чаралар көрүлөт», - деп айтылат билдирүүдө.
