Биринчи радиодо түз эфирде Кыргызстандын саламаттык сактоо министринин биринчи орун басары Тилек Мамадалиев медициналык кызматкерлердин айлыктары 100%га көбөйтүлөрүн билдирди.
Ал акыркы беш жылда мамлекет саламаттык сактоону өнүктүрүүгө көңүл буруп жатканын белгиледи.
«Айлык акынын көтөрүлүшү — биздин жарандардын ден соолугун жакшыртууга багытталган аракеттердин бир бөлүгү. Региондордо медициналык кадрлардын жетишсиздиги көпчүлүк учурда финансылык аспектилер менен байланыштуу. Азыр айлыктар болжол менен 100%га көбөйтүлөт», — деп кошумчалады ал.
Бул өзгөрүү алыстагы райондорго адистерди тартууга же шаарлардан жөнөтүүгө мүмкүндүк берет. Мындан тышкары, акыркы эки жылда мамлекет белгилүү кесиптердин өкүлдөрүнө 20 миң сом өлчөмүндө кошумча сумма төлөп келет. Ошондой эле, мурда 33 миң сомду түзгөн жана үч айда бир жолу төлөнгөн дарыгерлер үчүн депозит азыр 66 миң сомго көбөйөт», - деп жыйынтыктады Мамадалиев.
