Ал мурда Садыр Жапаров медициналык кызматкерлерди колдоо жана алардын эмгек акыларын жогорулатуу боюнча демилгени билдиргенин белгиледи.
«Мамлекет башчысы дарыгерлердин эмгегин жогору баалайт, ошондуктан медициналык персоналга ипотека алуу үчүн мамлекеттик ипотекалык компания аркылуу артыкчылыктуу шарттарды берүү боюнча көрсөтмөлөрдү берди. Мисалы, медициналык жогорку окуу жайларын жаңы бүтүргөн жаш адистер учурда 13 581 сом алса, апрелден баштап алардын эмгек акысы 35 248 сомду түзөт», — деди Алагозов.
Ал бул тармактагы минималдуу эмгек акыны жогорулатуу боюнча мисал экенин тактады. Узак убакыт иштеген дарыгерлердин эмгек акылары дагы жогору болот.
«Стаж үчүн кошумча төлөмдөр, мисалы, үстөмдүктөр сакталат. Ошондой эле алыскы жана тоолуу аймактарда иштеген дарыгерлердин эмгек акылары орточо 30%га жогорулайт. “Дарыгердин депозит” программасынын алкагында мамлекет ар үч ай сайын 66 000 сом төлөмдөрдү жүргүзөт. Талап кылынган тармактарда (педиатрия, неонатология, анестезиология, реаниматология, жалпы хирургия) адистешкен жаш дарыгерлер айына кошумча 20 000 сом алышат. Мындан тышкары, өлкөдөгү медсестралардын эмгек акысы 8 541 сомдон 29 053 сомго чейин жогорулайт, бул дээрлик үч эсе жогорулагандыгын билдирет (кошумча төлөмдөрдү жана алыскы жана тоолуу аймактардагы эмгек үчүн үстөмдүктөрдү эске албаганда)», — деп кошумчалады президенттин басма сөз катчысы.
Ал ошондой эле өлкөдөгү медициналык мекемелерде ар кандай адистиктер боюнча дарыгерлерге муктаждык бар экенин (жалпысынан 1 596 бош орун) жана медициналык окуу жайларын бүтүргөндөрдү, ошондой эле жумуштан кеткендерди, бирок медицинага кайтып келүүнү каалагандарды жакынкы ооруканаларга кайрылууга чакырды.
«Ал жерде бош орундар жана жумушка орношуу мүмкүнчүлүктөрү тууралуу бардык керектүү маалыматты алса болот. Сураныч, медициналык билимге ээ жана жумуш издеп жаткан тааныштарыңыз менен бул маалыматты бөлүшүңүздөр», — деди Алагозов.
alt="Президенттин басма сөз катчысы: Жаш дарыгерлердин жана медсестралардын эмгек акылары дээрлик 3 эсе жогорулайт"
/>
