Бүгүн Жогорку Кенештин сот-укуктук маселелер, укук тартиби, кылмыштуулукка каршы күрөшүү жана коррупцияга каршы күрөшүү боюнча комитети «Кыргыз Республикасынын айрым мыйзам актыларына өзгөртүүлөрдү киргизүү жөнүндө» мыйзам долбоорун экинчи окууда карады.
Комитеттин төрагасы Суйунбек Омурзаков мыйзам долбоору тууралуу маалымат берди. Ал документтин негизги максаты кайырчылыктын деңгээлин төмөндөтүү, анын коомдук тартипке терс таасирин азайтуу жана жол кыймылына коопсуздукту жогорулатуу, кайырчылыкты жолдун үстүнөн жоюу экенин белгиледи. Ошондой эле мыйзам долбоору уязвимдүү жарандар категорияларын эксплуатациядан коргоого багытталган.
Депутаттар мыйзам долбоорун экинчи окууда кошумча талкуусуз жактырды.
фото www
