Жолугушууларда мал чарбачылыгын өнүктүрүү жана ветеринардык коопсуздук боюнча маанилүү маселелер талкууланды.
Фермерлер акыркы жылдары малдын арасында оорулардын көбөйүшүнө байланыштуу өздөрүнүн тынчсыздануусун билдиришти. Алардын пикири боюнча, алдын алуу чараларын күчөтүү, ошондой эле малдын ден соолугунда пайда болгон көйгөйлөрдү убагында диагностикалоо жана жооп берүү зарыл.
Эрлист Акунбеков агрардык саясаттын негизги багыттарынын бири эпизоотикалык коркунучтарды алдын алуу экенин белгиледи. Ал тиешелүү кызматтарга ветеринардык контролду күчөтүүнү, эпизоотикалык абалды активдүү мониторингдөө жана малдардын оорулары тууралуу билдирүүлөргө ыкчам жооп берүүнү, ошондой эле чарбаларда профилактикалык иштерди активдештирүүнү тапшырды.
Мындан тышкары, биопрепараттарды жана лабораториялык диагностикалык комплекттерди сатып алуу үчүн республикалык бюджеттен каражат бөлүнгөнү тууралуу маалымат берилди.
Министерство мал ээлерин малдарды кармоодо жоопкерчиликтүү болууга, оорулардын белгилери тууралуу ветеринарларга убагында маалымат берүүгө жана ветеринардык кызматтын сунуштарын аткарууга чакырды.
Бардык тараптардын биргелешкен жана макулдашылган аракеттери эпизоотикалык коопсуздукту камсыз кылууга жана мал чарбачылыгын туруктуу өнүктүрүүгө көмөктөшөт.
