Мэриянын маалыматы боюнча, шаар башчысы тиешелүү кызматтарга учурдагы иштерди белгиленген мөөнөттө аяктоону жана жогорку сапатты камсыздоону, жарандардын, биринчи кезекте балдардын коопсуздугуна көңүл бурууну тапшырды.
«Азыркы учурда көчөлөрдү кеңейтүү боюнча иштер жүрүп жатат: эски асфальт алынып, жолдун бетин тегиздөө, жээктерди тазалоо, газ түтүктөрүн жана электр опорлорун которуу, ошондой эле ирригациялык лотокторду орнотуу иштери жүргүзүлүүдө. Көпүрөнүн опорлору да бетон менен бекемделүүдө. Проект көрсөтүлгөн көчөлөрдү төрт тилкеге кеңейтүүнү, жөө адамдар үчүн тротуарларды курууну, скверлерди түзүүнү, көчөлөрдү жарык менен камсыздоону, ирригациялык лотокторду орнотууну жана жашыл аймактарды көрктөндүрүүнү камтыйт», — деп билдирет мэрия.
