Бишкекте мэрия кайрадан Чыгыш автобекетинин аймагын өзүнө алды.
Маалыматка ылайык, буга чейин бул жер тилкеси ОсОО «Союз водителей» тарабынан пайдаланылып, ар кандай унаалар үчүн токтотуучу жай уюштурулган. Бирок бул аймакты пайдалануу шаардык бюджетке ижара акысы төлөнбөй жүргүзүлгөн.
Учурда мэрия участокту кайтаруу үчүн зарыл болгон кадамдарды жасады. ОсОО «Союз водителей» үч күндүн ичинде аймактагы объектилерди демонтаждоо милдетин алган кепилдик катын берди.
Азыркы учурда аймакты унаалардан бошотуу процесси жүрүп жатат, ошондой эле тосмолорду демонтаждоо иштери жүргүзүлүүдө.
Келечекте бул аймактын толук реконструкциясы пландалууда. Чыгыш автобекети такси жана маршруттук микроавтобустар үчүн Кемин, Кант жана Токмокко каттамдар үчүн ылайыкташтырылат.
Проект боюнча, аймак толук асфальтталат, сырткы жарык берүү орнотулат, жол белгилери жана жол чийиндери жасалат.
