Учурда программада 500 жаш адис катышууда, министрлик дагы 2 миң катышуучуну тартууну көздөп, жалпы санды 2,5 миңге жеткирүүнү пландаштырууда. Бул медициналык мекемелердеги кадрдык абалды жакшыртууга жардам берет.
Маматалиевдин айтымында, программа катышуучуларына берилүүчү стимулдаштыруучу төлөмдөр ар бир кварталда 66 миң сомду түзөт.
Саламаттык сактоо министрлиги 35 жашка чейинки дарыгерлерге, алыскы аймактардагы мамлекеттик медициналык мекемелерде иштегендерге, ошондой эле региондордо карьера курууну пландаштырган ординатуранын бүтүрүүчүлөрүнө «Дарыгердин депозит» программасына кошулууга чакырат.
Бул демилге алыскы аймактардагы калк үчүн медициналык жардамдын жеткиликтүүлүгүн жогорулатууга жана ушул шарттарда иштеген жаш медиктерди колдоого багытталган.
