Шаардык администрациянын маалыматына ылайык, президенттин иш башкармалыгы 50,4938 гектар жер аянтын мамлекеттик менчикке өткөрүү боюнча кат жөнөткөн. Каттын датасы — 2026-жылдын 29-январы, номери — 11/236.
Бул аймак мамлекеттик программаларды жана долбоорлорду ишке ашыруу үчүн мамлекеттин кызыкчылыгына пайдалануу үчүн пландалууда.
Муниципалдык менчиктеги объектилерди мамлекетке өткөрүү жергиликтүү кеңештин макулдугу менен гана жүргүзүлөт.
Мурда маалымдалгандай, президенттин иш башкармалыгы шаардык администрациядан Бишкектеги Чүй проспекти, 108 жана Киевская көчөсү, 55 даректериндеги жер тилкелерин мамлекеттик менчикке өткөрүүнү да сураган.
