«БишкекСмог» демилгечи тобунун өкүлдөрү Кыргыз Республикасынын Маданият, маалымат жана жаштар саясаты министрлиги Кыргыз мамлекеттик дене тарбия жана спорт академиясынын имаратында вентилирленген фасадды орнотууга уруксат бербегенин билдиришти.
Бул имарат республика деңгээлиндеги архитектуралык эстелик болуп саналат. Министрлик тарыхый мурастын корголушуна активдүүлүгү жана көңүл бурганы үчүн жарандарга ыраазычылык билдирди.
Мурда борбордун тургундары Ахунбаев көчөсүндөгү, 97-үйдүн фасадын оңдоо боюнча өздөрүнүн тынчсыздануусун билдиришкен, анткени иштер тарыхый эстеликтин, 1955-жылы архитекторлор Евгений Писарский жана Геннадий Савватеевдин долбоору боюнча курулган, образынын жоголушуна алып келиши мүмкүн деп коркушкан.
Минкульт ошондой эле имараттын тышкы көрүнүшүн өзгөртө турган бардык иштер тиешелүү органдардын макулдугу менен гана жүргүзүлүшү керек экенин баса белгиледи.
