Кызматтык паспорттор 26 өлкөгө визасыз кирүүгө мүмкүндүк берет
Учурда дипломатиялык паспортко ээ болгон жарандар 36 өлкөгө визасыз кирүүгө мүмкүнчүлүк алышууда. Бул тууралуу Жогорку Кеңештин жыйынында тышкы иштер министринин орун басары Алмаз Имангазиев билдирди.
Мындан тышкары, ал кызматтык паспорттун болушу 26 мамлекетке тоскоолдуксуз барууга мүмкүндүк берерин кошумчалады.
Имангазиев ошондой эле дипломатиялык паспорттор министрлерге, Жогорку Кеңештин депутаттарына жана Тышкы иштер министрлигинин кызматкерлерине берилерин тактады.
Кызматтык паспорттор болсо, мамлекеттик органдардын орун басар башчыларына берилет.
