Ирандын спорт министри америкалык өкмөттү катуу сындады
Ирандын футбол боюнча курама командасы бул жылы АКШны да камтыган бир нече өлкөдө өтө турган дүйнө чемпионатына катышпоону чечти. Бул тууралуу Ирандын спорт министри Ахмад Доньямали Reuters агенттигине билдирди.
«Биздин шарттар бул турнире катышууга мүмкүнчүлүк бербейт, анткени биздин лидерибизди [Али Хаменеи] өлтүргөн режим коррупцияга баткан. Биз Иранга каршы жасалган агрессивдүү аракеттерди эске албай кете албайбыз, бул эки согушка алып келди, алты же жети айдын ичинде миңдеген адамдардын өлүмүнө себеп болду. Ошондуктан, биздин дүйнө чемпионатына катышуубуз мүмкүн эмес», — деди Доньямали.
Азырынча Иран дүйнө чемпионатынан расмий түрдө баш тартуу үчүн бардык зарыл формалдуулуктарды аткарган-аткарбаганы белгисиз. Бул боюнча ФИФАдан комментарийлер келген жок.
Футбол боюнча дүйнө чемпионаты 2026-жылдын 11-июнунан 19-июлуна чейин пландалган жана АКШ, Мексика жана Канадада өтөт. Иран Бельгия, Египет жана Жаңы Зеландия менен бир топко кирди, жана бул топтогу үч оюн АКШда өтүшү керек: экөө Лос-Анжелесте жана бири Сиэтлде.
Жакында Атлантада дүйнө чемпионатына командаларды пландоо боюнча ФИФА саммити өттү, анда Иран жыйынга катышпаган жалгыз өлкө болуп калды.
сүрөт www
