9-мартта, социалдык тармактарды мониторингдөө натыйжасында, укук коргоо органдары «Даниэль Жоошбаев» аттуу аккаунтта мамлекеттик органдардын жана структуралардын ишине сын көз карашта материалдардын жайгаштырылганын аныкташты. Бул публикациялар бийликти дискредитациялоону жана коомдук-саясий абалды начарлатууну максат кылгандыгы пресс-релизде маалымдалган.
Тергөө органдары бул аккаунттагы бир нече посттун комментарийлеринде коомдогу абалды дестабилизациялоого жана массалык башаламандыкты провокациялоого жөндөмдүү билдирүүлөр жарыяланганын аныкташты.
Бул боюнча Кыргыз Республикасынын Кылмыш кодексинин 278-беренеси боюнча массалык башаламандыкка чакырууларга байланыштуу кылмыш иши козголду.
Оперативдүү-издөө иш-чараларынын натыйжасында «Даниэль Жоошбаев» фейк аккаунттын ээси жана колдонуучусу А.А. 1976-жылы туулган журналист кармалды.
Кармалган адам тарабынан фейк аккаунт аркылуу жасалган публикациялар боюнча тиешелүү экспертизалар дайындалды.
10-мартта А.А.нын жашаган дарегинде тинтүү жүргүзүлгөндө мобилдик телефондор, планшеттер, ноутбук, видеокамера, документтер жана иш үчүн маанилүү башка буюмдар алынды.
11-мартта А.А. Бишкек шаарынын ГУВДсынын убактылуу кармоо жайына жайгаштырылды.
