Кыргызстан менен Кытайдын чек арасынан 11-мартта, 13:31де, 3,5 магнитудасы менен жер титирөө болду. НАН КРнын сейсмология институту билдиргендей, эпицентр Какшаал-Тоо тоосунда, Бедель айылынан 25 чакырым түштүк-чыгышта жана Каракол шаарынан 135 чакырым түштүктө жайгашкан.
Ведомствонун маалыматына ылайык, жер титирөө Кыргызстандын аймагындагы тургундар тарабынан сезилген эмес.
