Кыргызстандын борборунда тамак-аштан массалык уулануу болду. Бул маалымат оорулардын алдын алуу жана санитардык-эпидемиологиялык көзөмөл департаментинин өкүлдөрү тарабынан айтылды.
Алдын ала маалыматтарга ылайык, 13 адам медициналык жардамга кайрылды. Алардын 11и ооруканага жаткырылды, ал эми экөө амбулатордук дарыланууга алынды. Учурда жабыркагандарга зарыл медициналык жардам көрсөтүлүүдө.
Текшерүүнүн жүрүшүндө жабыркагандардын баары «Буффет» тамактануучу жайында тамак жешкендиги аныкталды. Санитардык кызматтын адистери мекемеде пландан тышкары текшерүү жүргүзүп, тамактын үлгүлөрүн лабораториялык изилдөөгө жөнөтүштү.
«Аныкталган мыйзам бузуулар боюнча протокол түзүлүп, тамактануучу жай 23 000 сомго айыпталды. Мындан тышкары, анын иши 11-марттан тартып убактылуу токтотулду. Эпидемиологиялык текшерүү уланууда», — деп айтылат маалыматта.
