Жогорку соттун маалыматына ылайык, быйыл өлкөнүн соттору үй-бүлөдөгү зомбулукка байланыштуу 1196 ишти караган, бул 2024-жылга салыштырганда 24 пайызга көп.
Нургуль Бакирова мындай өзгөрүүлөр маселенин маанилүүлүгүн гана эмес, кылмыштарды аныктоо деңгээлинин жогорулашын жана коомдун сот системасына болгон ишениминин артканын да көрсөтүп жатканын белгиледи.
КР Жогорку сотунун сүрөтү. Нургуль Бакирова (биринчи катарда солдо) БУУдагы иш-чарада
Бакирова ошондой эле, адилеттикке жетүү Кыргызстан үчүн стратегиялык приоритет болуп калууда, бирок аялдар экономикалык жана социалдык-мәдени тоскоолдуктарга дагы эле туш болууда деп баса белгиледи.
Мамлекетте зомбулукка каршы эффективдүү күрөшүү үчүн 2030-жылга чейин гендердик теңдикке жетүү боюнча Улуттук стратегия ишке ашырылууда, ал мыйзамдык базаны жакшыртууга жана аялдардын экономикалык көз карандысыздыгын колдоого багытталган.
Нью-Йорктогу форум 2026-жылдын 19-мартына чейин уланат, ага 107 өлкөнүн өкүлдөрү катышууда. Сессиянын негизги темасы — бардык аялдар жана кыздар үчүн адилеттикке жетүүнү камсыздоо.
